謝安琪呻食死貓
與無綫破冰後，四大歌手蓄勢以待重投無綫懷抱，但在雙方交惡期間被視為「叛將」的謝安琪、張敬軒與關楚耀，似乎兩頭唔到岸！謝安琪當日是首位拒絕無綫訪問的歌手，但她昨日表示大團圓結局是好事，更緊張地澄清並非「頭號叛將」，她說：「好慘！食死貓！我唔係第一個接受其他電視台訪問，亦唔係第一個亮相其他電視台！（怕無綫秋後算帳？）我諗佢哋知唔關我事。」而軒仔則對「破冰」一事讚好，但問到會否出席《勁歌金曲》總選，他則表示要聽公司指令。
至於關楚耀則最勇，除將為亞視拍劇外，昨日更出席有線活動，並以廣東話受訪，問到會否擔心被無綫封殺，他說：「接咗劇就唔會推，相信無綫唔會秋後算帳。」
被視為「頭號叛將」的謝安琪，昨日肉緊補鑊。
勇字當頭的關楚耀，昨日繼續出席有線活動。