陳家揚鼓勵四大歌手：下年再嚟過！
無綫與四大唱片公司破冰，據悉雙方以臨時版稅價錢作口頭協議，但仍未落實數字，但據悉即使雙方「冇約」仍可曝光！
無綫電視綜藝及音樂科高級經理陳家揚，昨日出席《TVB8金曲榜頒獎典禮》拜神時承認雙方將傾談合作模式：「氣氛梗係唔似舊年咁啦！相信有得傾！（勁歌總選頒獎畀四大歌手？）我哋有機制，佢哋唔喺候選人入面，應該冇獎，下年再嚟過囉！」他又否認無綫將巧立名目加獎安撫：「唔好用安撫，一直好和平！（勁歌30周年請四大歌手亮相？）考慮吓，等公司公布啦！我哋會全力配合。」
對於與四大關係好轉，集團總經理李寶安表示暫不作回應，對於非戲劇製作總監何麗全言論要再作了解。製作資源部總監樂易玲說：「雙方律師傾咗已用歌曲嘅版稅問題，即係何生所指畀咗過去兩年費用，但將來嘅新版稅仲傾緊，傾好咗先可以安排四大歌手亮相無綫，不過大家共識都係正面嘢，距離達成協議唔差太遠！」
陳家揚否認《勁歌》總選會「分豬肉」。