回應:孫耀威:好掛住《勁歌》!
無綫與四大唱片公司的版稅糾紛僵持近一年,最近終於破冰,不少歌手大表贊成,孫耀威更揚言勁掛住《勁歌金曲》!
孫耀威:「希望好似台灣咁,唔好抹殺我哋去其他平台宣傳嘅機會!香港人接受香港人訪問無啦啦要用普通話好奇怪!(你堅持用廣東話?)我只係誠實講出意願,唔係攪屎棍!(之後會上《勁歌》?)係呀!好掛住!(出席頒獎禮?)未肯定,總之我肯出席o架!(增設獎項?)冇得咁!冇獎出席都冇所謂,只想同啲歌手聚吓!」
陳偉霆:「其實四大唱片公司同無綫和解係好事,可以同環球歌手Mr.同台,但係其實我唔介意日日上《勁歌》!」
關心妍:「如果真係破冰就好,咁樣可以多啲歌手參加頒獎禮!(擔心到時競爭大咗?)其實競爭不嬲都大,多啲人參與,香港樂壇先會蓬勃!」
周子揚:「等公司安排囉,知道可以接受TVB訪問!(傳無綫為四大歌手增設獎項?)唔清楚!(無綫有誠意?)子揚係上年新人,有同無綫合作過,仲好愉快添!」
連詩雅:「我係今年新人,但係都未上過TVB,都知道冇份角逐新人獎!」
陳柏宇:「破冰對觀眾同藝人都好,我梗係想亮相唔同媒體,唔使用普通話接受訪問就發達喇!」
泳 兒:「唔知四大破冰呢件事,不過都係好事,起碼可以見番好多歌手!」
孫耀威
陳偉霆
關心妍
連詩雅
陳柏宇
泳兒