鄧穎芝浮誇眼鏡襯黑衣
女仔貪靚，鄧穎芝也不例外，日前她買了一部Facial機，在家中自己做Facial：「呢部機嘅賣點係導出同埋導入，用5至10分鐘就可以幫塊面清潔同埋保濕，我睇番清潔舊棉花真係黃黃黑黑咁！清潔得好乾淨！」她表示這類用品已開始興起：「其實台灣周街都有得賣，香港都開始興，都幾抵用，部機千幾蚊，加埋專用精華素都係二千幾蚊，但已經可以做到50次，之後再繼續買番精華素就得。」
由內潮到外的鄧穎芝，浮誇眼鏡當然是其推介的潮爆Item：「我睇雜誌見到好鍾意，所以上網買o架！夠晒浮誇、夠晒潮！」她更提醒大家若戴上誇張飾物，一定要襯素色衣服：「我出街都有戴，我着咗All Black，咁就唔會成身都太過花，戴出街嘅時候好多人都問我喺邊度買！」
鄧穎芝戴上潮爆眼鏡，襯黑色衫，配搭得宜。
鄧穎芝買了Facial機自己做Facial，快靚正！