Kelly佘詩曼大家貴秀
衣着不僅反映個人品味，更能反映一個人的年齡，選擇合適的服飾，即有錦上添花之效，就如陳慧琳、容祖兒、謝婷婷及佘詩曼出席活動時都以高貴Look登場，盡顯巨星氣派。
陳慧琳配搭完美：評分9
「成套衫加埋鞋都好靚，將Kelly襯托得非常高貴。但略嫌整體有啲過重，如果條頸鏈可以簡單少少，會更加完美。」
佘詩曼大方得體：評分8
「條裙可以用『靚』字形容，剪裁設計高貴大方而且好配合佘詩曼嘅形象，建議加多條簡單設計嘅頸鏈，效果會更好。」
江若琳太老積：評分7
「全身色調不錯，但條裙太長太保守，唔係好啱佢年紀着，加埋對密頭高跟鞋令整體形象變得太老，可以試換一對涼鞋款嘅高跟鞋。」
章子怡唔夠Charm：評分6
「對絲襪破壞咗整體形象，衣服顏色亦嫌太強烈，欠高貴美感。個人認為章子怡較適合粉色系，會令佢睇落Charm啲。」
謝婷婷設計加分：評分8
「條裙嘅上半身設計好靚，而且長度啱啱好，好適合佢身份同年紀，睇落好有氣派，如果戴多條簡單嘅手鏈做飾物會更靚。」
容祖兒着錯鞋：評分7
「向來有衣着品味嘅Joey今次有啲失手，裙有啲過短令身形比例有啲怪，而且鞋款太粗獷，唔夠優雅。」
傅穎MK Look：評分6
「雖然佢係去睇首映，但我覺得佢可以着得隆重少少，套衫啱年紀，但十足十旺角行街Look，一啲都唔特別。」
鄧紫棋地盤Look：評分6
「鄧紫棋（G.E.M.）件格仔衫係整個形象嘅敗筆，顏色唔襯佢，佢應該着Sweet啲嘅顏色，會令佢冇咁似地盤工人。」
蔡穎恩毛毛出事：評分5
「呢套衫令Evelyn睇落幾可愛，可惜展現唔到佢嘅身材，而且身上毛毛服飾太多，令層次對比變得唔明顯，可以嘗試換走其中一件。」
Profile
陳刀畢業於香港理工大學時裝設計系，後於城市大學修讀日本研究。創立個人時裝品牌，○三年舉行首個時裝展，曾為不少歌手做Styling。
陳慧琳
佘詩曼
江若琳
章子怡
謝婷婷
容祖兒
傅穎MK Look
鄧紫棋地盤Look
蔡穎恩毛毛出事
