娜姐撐謙仔信得過
周秀娜（娜姐）昨日身穿低胸婚紗，與羅仲謙（謙仔）為形象顧問店行騷，娜姐自爆近期愛上穿婚紗：「雖然我未想嫁，不過有意為自己設計獨一無二嘅婚紗！」對於謙仔被傅穎寸說話冇句真，不過娜姐仍力撐他說：「我同佢拍戲，覺得佢好Gentleman，不嬲有嗰句講嗰句！我唔知佢哋發生咩事，唔方便講！」而謙仔則封嘴不願多談，問到有否追求傅穎？他說：「都係私人嘢，依家同佢係同事、朋友。（傅穎話唔同你做朋友？）總之同佢Keep住做朋友同同事囉！見面唔會尷尬！」
另外，娜姐前晚出席公開活動後，與男友陳偉成（Avis）到灣仔出席友人生日派對，約凌晨1時半才雙雙離去。Avis昨日與「萬寧哥哥」沈志明出席活動，對於娜姐與沈志明於新片有激情場面，Avis說：「做嘢啫！我唔介意！（娜姐話感情亮紅燈？）我會陪佢去台灣工作，希望補到飛啦！」另外，娜姐前晚在Yahoo！頒獎禮中獲頒「圖片搜尋次數最多人物」獎，而她亦性感上陣，自然搶盡風頭。
娜姐谷胸上陣，謙仔目不斜視。
周秀娜性感出席頒獎禮，自然成為焦點。
娜姐與男友Avis雙雙盡興而歸，粉碎分手傳聞。