身為谷祖琳姊妹團成員之一的黃伊汶，目睹小谷出嫁的甜蜜溫馨，大受感動：「今次做姊妹學到好多嘢，結婚都幾好玩！（恨嫁？）女仔到咗廿七、八都會憧憬結婚，見小谷咁幸福，我都心動，佢老公好純，小谷應該食得住佢，第時我揀老公都朝呢個目標！（唔搶花球？）我好想衝出去，但怕傳媒話我好恨嫁，咪忍住囉！」她又爆小谷心急出嫁：「新郎哥今朝接新娘，我哋姊妹團要班兄弟着住女性性感內衣做掌上壓，又要讀愛的宣言，小谷心急到係咁伸個頭出房望，我咪推番佢個頭入房囉！」