谷祖琳冧爆:點能夠唔嫁佢

谷祖琳冧爆:點能夠唔嫁佢

恭喜!恭喜!谷祖琳昨日與靚仔圈外男友劉穎恒拉埋天窗,覓得如意郎君的小谷幸福滿瀉,更大講愛的宣言,揚言男友每日都令她感動,試問怎能不嫁他?

谷祖琳與從事香水及眼鏡代理的圈外男友劉穎恒,昨日於洲際酒店筵開52席婚宴,現場布置以白色紙花為主,配以粉紫色投射燈光,營造出浪漫效果。幸福滿瀉的小谷特別安排婚姻監禮人到婚宴現場主持簽字儀式,古天樂、吳君如、黃伊汶、曾志偉、何超儀、陳子聰、林一峰、趙學而、張文慈、許鞍華、陳果和邵音音等均有到賀,而姊妹團成員之一ontv東方電視節目主持俞詠文則接到小谷拋出的花球,難怪喜形於色。

比翼香水回禮

穿上略嫌密實白色婚紗會見傳媒的小谷說:「今晚我會換四套衫,其中一套好性感,係老公強烈要求嘅!(老公怕你鏡頭前蝕底?)佢份人好細心,每日都令我感動,點能夠唔嫁畀佢?我同佢其實係澳洲讀大學嘅同學,但返到香港至相認,之後感覺就好親切,我哋好多嘢都好似,好似失散咗搵番咁,今朝接新娘有好多感觸位,令我百感交集,忍唔住喊。(婚後即造人?)順其自然,一定會不設防。(婚後息影?)老公冇贊成亦冇反對我拍戲。」

小谷續說:「尋晚都冇瞓覺,經過今次,覺得結婚一定要擺酒,因為係一件好感恩嘅事,好多謝林海峰同夏永康幫我哋做設計,Dorian Ho幫手設計衫,仲有好多朋友幫手做表演環節,仲有世界冠軍合唱團上台唱歌,我都好期待,我就預備上台講嘢。(送咩畀賓客回禮?)香水,上面有一對公仔代表比翼連理。(婚禮使好多錢?)過百萬。」

周慧敏送禮券

身穿Tube Dress到賀的周慧敏說:「我同一對新人好熟,會送禮券畀佢哋自己揀禮物。(斟茶畀你?)唔使,我特登提早出門口,怕Miss咗小谷寶貴一刻(簽結婚證書)。(上台唱歌?)冇預我上台。(新郎被讚精壯?)大家有眼睇。」

聖誕節買咩禮物好?
即上on.cc東方互動《享樂聖誕2010》專輯,為您一站式搜羅各類聖誕消費情報!

影視組

谷祖琳和劉穎恒情深一吻,幸福滿溢!

谷祖琳和老公切結婚蛋糕時笑不攏嘴。

谷祖琳跪地向奶奶送上新抱茶。

婚禮現場布置以白色紙花為主,配以粉紫色投射燈光,十分浪漫。

周慧敏和倪震手拖手到場,恩愛得羨煞旁人。

兄弟姊妹團陣容鼎盛,與一對新人影大合照。

現場放置由林海峰和夏永康為新人設計的相冊。

谷祖琳送上比翼香水作回禮。

為新人設計婚紗禮服的Dorian Ho亦盛裝飲喜酒。

谷德昭見證姪女婚禮,大感安慰。

谷祖琳掟花球, ontv東方電視節目主持俞詠文成為幸運兒。

何超儀和老公陳子聰齊齊到賀。

俞詠文