拒以排位衡量成就 阿Sa變髮William速閃
自公開戀情後，蔡卓妍（阿Sa）及陳偉霆（William）昨日首次在記者會同場，可惜級數有別，小天后阿Sa跟鍾欣桐（阿嬌）坐第一行，但William卻屈居後排，阿Sa說：「唔會理呢啲，我哋唔會用呢啲去衡量，佢出道遲咁多，冇得比較！」
此外，兩人前晚同樣獲邀出席另一頒獎禮，卻選擇前後腳現身，率先到場的William原本答應等埋阿Sa到埗後一齊合照，但事後他靜靜雞「鬆人」，阿Sa解釋並非刻意避忌：「唔係特登避，我哋遲早會同場啦！（接受合照？）合照咪睇情況囉！方便咪影，不過唔方便嘅時間比較多！」
另一方面，阿Sa昨午出席新城電台的拉票活動，為候選人氣歌手打氣，換上新髮型的她說：「內地拍戲搞到塊面細菌感染，要去醫生度做Laser整走佢，搞到有少少結焦，想用新髮型遮住，好唔慣！」而同場的鍾舒漫透露將會自製朱古力代替聖誕卡送給公司同事。
阿Sa和William前後腳現身活動，但難逃「合照」的一刻。
小天后阿Sa與William的排位有別，但她坦言男友出道遲，拒比較雙方成就。
阿Sa大受現場粉絲歡迎。