鄭融阿嬌情敵碰頭零交流
鍾欣桐（阿嬌）、容祖兒、官恩娜、衞蘭、李治廷及鄭融等歌手昨日出席《2010年度十大勁歌金曲頒獎典禮》記者會，阿嬌早前被指與鄭融緋聞男友莊冬昕拍拖，昨日兩人首次撞面，歌手上台影大合照時，原本行在阿嬌身後的鄭融刻意行慢，更突然拉官恩娜上前，令對方成為「夾心人」，阿嬌與鄭融全程零交流。
一臉病容的鄭融將蠟燭插在蛋糕時，衫袖不慎黐滿蛋糕，身後的官恩娜及祖兒即遞上紙巾，阿嬌卻未有行動。雖然出席名單印有張繼聰及麥浚龍名字，但兩人卻缺席，身為大會籌委會經理陳家揚笑說：「名單有名即代表佢哋應該嚟，唔知咩原因唔嚟，咁我記住先。」
大會亦透露頒獎禮當日邀得日本組合Exile任表演嘉賓。問到阿嬌與鄭融同台是否尷尬？她說：「點會尷尬，頭先冇紙巾喺身，如果有都撲前畀佢。」
阿嬌擰歪面拒與鄭融合照，十分避忌。