祖兒基仔坐定粒六稱霸勁歌
四大唱片公司與無綫破冰，四大歌手即時重生，可惜《勁歌金曲優秀選第三回》得獎名單昨晚塵埃落定，所有入圍歌曲已截票！而英皇的容祖兒及古巨基坐定粒六，成為勁歌男、女歌手的「穩膽」，在前晚的網站舉辦的頒獎禮，橫掃3獎成為大贏家！
四大唱片與無綫終於正式破冰，可惜為時已晚，各大樂壇頒獎禮舉行在即，而前晚舉行第八屆《Yahoo！搜尋人氣大獎2010》頒獎禮，被視為前哨戰，容祖兒、古巨基、鍾舒漫、陳柏宇及關楚耀等紛紛出席。英皇橫掃17個獎成為大贏家，旗下的祖兒更5度蟬聯「本地女歌手大獎」，基仔亦是連續3年奪得「本地男歌手大獎」，先拔頭籌！
英皇擸17獎威到盡
穿上高貴Celine斗篷出席的祖兒坦言，正為頒獎禮的戰衣苦惱，因早前為個唱狂操而激瘦，她笑言穿上款式較女性化的服裝時，感覺「好唔Friend」：「好似男人着裙咁。（何韻詩都係咁啦！）佢骨子裏柔情似水，而且佢有啲身材o架！」她更自嘲身材似未發育。至於基仔近日積極宣傳自家品牌abc：「我今日又再做Model，依家成身都係自己品牌abc！」他坦言連獎項都不理，即使出席頒獎禮都只為宣傳自家品牌。問到會否贊助林峯？他說：「只要想着，我都可以贊助！（配唔配合到佢個Chok樣先？）我唔識答喎！大佬！（林峯拎男歌星機會大啲？）冇諗過，依家只享受造音樂嘅過程。（林峯後台大？）大家都係英皇，一家人邊個拎都開心。」
四大與無綫破冰，但因入圍歌曲已截票，基兒和祖兒已坐定粒六，穩奪勁歌男女歌手。
薛凱琪與方大同同屬四大唱片之一的華納旗下。
陳偉霆和鍾舒漫齊奪Yahoo!搜尋人氣MV獎，喜上眉梢。
泳兒及洪卓立獲頒網上熱爆歌曲獎。
楊丞琳表示日後結婚，一定會公開。