周秀娜楊梓瑤C殺1:1和波

「雙C」周秀娜（Chrissie）及「浸大E神」楊梓瑤（Carol）繼早前在電影中的床戲鬥性感後，二人前日再度在新片中「鬥波」，雖然Carol先自製低胸裝搶「峰」頭，但Chrissie隨即穿上三點式追平，最終1比1「和波」收場！

由王晶監製、導演及編劇的新片《猛男滾死隊》，前日在內地江門拍外景，王晶、曾志偉、杜汶澤、狄易達、Chrissie、Carol、模特兒朱裕琳、徐自賢及江怡等均有參與拍攝。眾女先穿上「Wonder Girls式」珠片吊帶短裙拍攝，本來平平無奇的Carol突然出奇招，整理肩帶後即「胸」裙而出，露出招牌「事業線」搶鏡，先贏一仗！未知Chrissie是否不欲與Carol正面交「峰」，故婉拒與對方合照，更望實助手求救：「合照都係等齊人先大合照啦！」其後眾女換上三點式拍攝第二場戲，原本披上雨衣的Chrissie作出大反擊，敞開雨衣任影唔嬲，反觀Carol則因天氣寒冷及下雨而不時遮遮掩掩，最終Chrissie扳平1比1，打成平手！

齊齊搵銀過肥年

對於被指刻意露深溝撼Chrissie，Carol否認搶鏡，並「亂噏廿四」解釋：「佢都有嘅！可能佢深色啲，我淺色啲啫！（Chrissie拒合照？）冇可能，『娜姐』邊會咁小器！我諗係費事阻住其他演員等啫！」而Chrissie亦坦言不介意被Carol搶「峰」頭：「冇所謂！一Team人，其實我都冇時間試戲服，所以今日都係邊件衫啱身就着！（一Team人又唔合照？）費事其他人等嘛！（Carol近期形勢直逼你？）唔緊要，年底呀，大家都努力搵錢過年！」

第一回合：Carol勝

「o靚模女神」Chrissie與「浸大E神」Carol在新片中大鬥法，前晚二人正式埋位，「胸」戰一觸即發，她們隨即各出奇招搶「峰」頭！

Chrissie與Carol齊穿吊帶裙扮WG又唱又跳，Carol主動出招拉低吊帶，四吋事業線「胸」裙而出，搶盡「峰」風頭，Carol先勝一仗！

第二回合：Chrissie勝

Chrissie與Carol三點式拍外景，適逢天氣寒冷兼落雨，Chrissie趁Carol穿上雨褸埋沒「E神」身材之際，立即敞開透明雨衣，32D導彈乍現，驚艷全場！

第三回合：平分秋色

Chrissie獲安排與影帝級曾志偉速配，而Carol則與人氣搞笑王杜汶澤談情，誰也搶不了誰的風頭。

周秀娜（Chrissie）

年齡︰25歲

三圍︰32D、24、35

學歷︰中五

片酬︰約15萬

楊梓瑤（Carol）

年齡︰22歲

三圍︰34E、24、34

學歷︰正攻讀浸大人文學系學士

片酬︰逾10萬