欣宜爆肥姐曾吸毒
昨日鄭欣宜、MC Jin及連詩雅等出席校園禁毒活動。「鬼妹仔」欣宜坦承身邊有朋友吸毒，以大麻居多，亡母沈殿霞（肥姐）更曾跟她分享20多歲時的吸毒經驗：「媽咪話吸毒嗰陣好口乾兼作悶！我覺得媽咪唔需要，我都唔需要（吸毒）！」
至於在外國長大的MC Jin，被問到有否接觸過毒品，他說：「有接觸過，但冇畀嗰啲嘢影響到我！最普遍係大麻，18、19歲時曾經迷失過，覺得自己都幾Crazy！（最後點戒？）唔係戒，係清醒，信仰幫咗我！試過去中環Clubbing，見到三、四個人入完廁所，個鼻啲粉都未抹就行番出嚟！」
MC Jin（左起）、周子揚、欣宜及連詩雅宣揚校園禁毒訊息。
欣宜上台分享經歷，勸學生向毒品Say No！