施念慈教路：唔好單獨行事
娛樂圈人人想成名，不少o靚模欲走捷徑上位，最後換來一擔辛酸，仍未有任何回報。周秀娜、A. Lin、Annie G.與新八模等o靚模的經理人Roy揚言，旗下女模個個「醒字派」，奉勸有心入行的女孩便宜莫貪：「我哋嘅模特兒好團結，佢哋之間有個『通報機制』，乜嘢都攤出嚟講，互相警惕。我平時教佢哋要成功只有畀心機工作，便宜莫貪，呢行冇捷徑。」
至於近年轉型模特兒經理人的施念慈，旗下包括「百果園咪神」DaDa、「狀元o靚模」Ivy、洪天明前女友Lillian、Bambi與Liz等，她說：「我經常教啲女仔，話如果有人搵佢哋做嘢，一定唔需要佢哋付出金錢同肉體。（如果有陌生人私下搵佢哋做嘢呢？）一定要同公司講！仲要日光日白上辦公室傾，而且要有公司同事陪同，唔好單獨行事。」
施念慈提醒打算入行的女孩勿單獨傾Job，容易令人有機可乘。（資料圖片）