Rainbow入行博上位險中姦計

近日討論區爆發激烈討論，踢爆o靚模工作辛酸史，指接Job時經常慘遭「抽水」。胡心諾坦承剛出道時曾試過「獲邀」做法事轉運，惟她醒目推掉。另一o靚模顏后君亦指曾有人氹Model入局，借「湯唯」過橋要求剝衫任睇。

近年不少o靚模在娛樂圈殺出一條血路，深受宅男歡迎，工作量不斷增加，「錢」途無限。不過，o靚模背後其實有不少鮮為人知的血淚史，如接Job時慘遭「抽水」，甚至誤墮騙局！年僅18歲的模胡心諾（Rainbow）承認，入行初期險因年少無知而被騙，幸好最後懸崖勒馬才避過一劫，否則抱憾終生，她說：「未簽經理人前有人話我知做法事可轉運，仲叫我去試。（性交？）都係類似囉！不過最後就推咗，諗番都覺得自己好好彩。」至於「百果園咪神」陳靜（DaDa）雖未曾有不幸遭遇，但曾聽聞有模特兒墮騙局，被攝影師落藥後有所企圖，她說：「知道個女仔事後有報警，但唔知下文。行內有傳過係邊個攝影師，若然同佢合作就會好小心，總之希望女仔接Job時要小心。」另一性感女神周秀娜則以大師姐身份，奉勸有意入行的姊妹要實際，不能太迷信，否則容易遇人不淑，誤墮桃色陷阱。

借試鏡為名剝衫任睇

相比知名女模，一些人氣較低的女模背後有更多辛酸。「闊面Janice Man」顏后君踢爆不少模特兒公司呃錢手法，未影相前先叫模特兒付一大筆錢。試鏡時，Model更被對方要求即場除衫「檢閱」，她說：「有個Model去試鏡，個男人畀咗張三點式擺晒性感甫士照片畀個女仔睇，跟住同佢講：『畀你揀，你會揀個『思縮』要求喺廁所換衫嘅Model，抑或現場快手換衫嘅Model？』又話好多外國Model喺後台赤裸換衫，咁先叫專業！仲話如果有個似湯唯主演《色，戒》嘅角色，問佢肯唔肯除？總之講到係試佢哋膽量，唔係想睇你嘅裸體，又話唔做嘅大把人爭住做。」

o靚模出身的A. Lin被問到有同行被騙財騙色，一方面表示同情，但另一方面卻嘲諷是蠢模：「正常人都唔會信咁樣可以改運，我個人唔相信上床改運，以前睇警訊同新聞都知呢啲嘢係唔可信！我都想知呢個o靚模係邊個，覺得佢可憐。（有冇人曾經介紹古怪改運法？）媽咪細個要我飲符水，分分鐘有效過同人上床。」她還表示聖誕節首次到多倫多登台，但要獨自孤獨過節：「我工作至上，努力賺多啲買樓。」