葉蒨文上咗年紀啱攞金針獎
鮮有露面的葉蒨文（Sally）昨日聯同梁漢文及王菀之出席《十大中文金曲》記者會，大會宣布Sally成為今屆「金針獎」得主，她穿上Alexander McQueen黑色透視裝，谷胸晒「事業線」，身材Fit到漏，還獲梁漢文和王菀之送贈至愛的高爾夫球及羽毛球作賀禮，她更搞笑地問王菀之：「你知道我係邊個咩？」王菀之即答：「我識唱你好多歌，最鍾意係《黎明不要來》。」令她冧爆！問到可覺得太年輕攞「金針獎」？Sally笑說：「多謝你話我年輕，我都上咗年紀啦！」提到其身材可撼低模？她自嘲：「我之前唔知咩係o靚模，個名咁得意，乜模呀！」問到何時舉行演唱會？她承認有心動，或者等五十歲才開。
梁漢文與王菀之送上高爾夫球及羽毛球給葉蒨文。
葉蒨文穿上透視裝，大騷「事業線」！