趙世曾唔知細佬入院
前日趙世光在家中再度中風，由家人報警送院，太太何琍琍一直陪伴在側，而四名兒女和媳婦亦立即趕往醫院探望，不過未見其兄弟出現。昨日記者致電其兄趙世曾，他竟不知情：「我唔清楚喎！你問番佢家人啦！佢哋之前話佢入院做個小手術同埋例行檢查，所以我都冇特別問，但都有經我啲仔問過佢啲細路。（你唔擔心佢？）都擔心，不過佢都病咗咁耐啦！之後都見佢可以出吓街。（打畀何琍琍問吓？）如果佢比較嚴重會通知我。」他又稱在適當時候會前往探望，但不知道趙世光被送往哪間醫院，亦不知道是否已離開深切治療部，可見兄弟關係頗為疏離。
另外，記者昨日致電曾是趙世光的紅顏知己的譚玉梅，問到知否趙世光中風入院？她表現得不自在說：「唔講！（你同佢有冇聯絡？）唔講！（係咪喺香港？）聽日走，依家喺內地做地產生意。」問到有否拍拖？她即起弶說：「唔講！我依家唔想咁高調。」
趙世曾雖然全不知情，但揚言適當時候會探望趙世光。（資料圖片）
譚玉梅忙於在內地做生意，避談趙世光。（資料圖片）