陳嘉桓與杜宇航昨日結伴出席香港龍獅節記者會，初接觸舞獅的嘉桓大感興趣，她說：「依家好多外國遊客對我哋嘅舞獅都好有興趣，我學咗三年功夫都係學詠春，師傅叫我係時候學吓其他派別，所以想學舞獅，女仔識舞獅好有型！」
龍獅節將於明年1月1日舉行，屆時將有1,111隻醒獅同場，剛好當日是杜宇航30歲生日，他說：「到時一定出席，其實今日原本要趕去北京拍新片《辛亥革命》，但覺得推廣龍獅好有意義，特登改咗期！我幾年前開始學，呢項活動漸漸受各界重視，仲有國際化比賽添！」
陳嘉桓考慮向師兄杜宇航偷師學舞獅。
