鄺敏慧幫貓女接生「呢咁Hea」
中巴鄺敏慧早前榮升做「嫲嫲」！事緣她於半年前因好心暫時照顧朋友的一對貓仔貓女，豈料對方其後以要到外國讀書為由，遺棄一對貓咪，中巴惟有代友肩負養貓重任：「佢冇再攞番對貓之餘，原來貓女一早有咗BB，而且仲早產，當日突然入房匿埋生，最慘係我又冇接生經驗，又驚又怕咁幫BB剪臍帶！」
不幸的是，貓媽媽的5隻BB只活了3隻，其中一隻貓BB「Mui Mui」更因感冒菌入眼險些失明，中巴說：「我驚Mui Mui啲菌會傳染，所以將其餘兩隻送畀有愛心嘅朋友！好記得我同哥哥幫Mui Mui滴眼藥水，晝夜不分，每隔四個鐘就輪流幫佢滴！」
此外，中巴當正Mui Mui是家中的小霸王：「佢好似一隻狗咁，我哋食飯嗰陣，佢會走埋嚟偷嘢食，又會將我放喺櫃嘅公仔拉出嚟咬爛！不過，佢好有靈性，識氹我哋，更加係我第一次養嘅寵物，令我更加有耐性！人哋話狗係人類最好朋友，其實我認為貓都係！」
Mui Mui每晚跟中巴同房，成為她床上的最佳伴侶。（資料圖片）
中巴不打算替Mui Mui進行絕育手術。
貓爸爸Passion在中巴照顧下肥肥白白。
Mui Mui每見中巴出外公幹便會發脾氣四處便溺。
