關楚耀專櫃珍藏「溫暖牌」
關楚耀（Kelvin）家中珍藏不少粉絲送贈的禮物，包括手鏈、相片、毛公仔、咕o臣及幸運星等，Kelvin會隆而重之放在一個專櫃，他說：「佢哋真係好有心意，啲幸運星佢哋逐粒逐粒摺，摺完放入個樽度，我收到之後好開心，覺得好慶幸有呢班咁疼錫自己嘅Fans。」除了幸運星外，Kelvin至愛大咕o臣及手鏈，他解釋：「我啲Fans大多數係女仔，佢哋啲針黹唔錯o架！咕o臣上面啲字都係織出嚟，收到之後好感動，一返屋企就攬實唔放。除咗咕o臣外，佢哋會織『溫暖牌』畀我，我啲Fans都有Fashion Sense，啲頸巾同手鏈可以幫我襯到衫，唔使成日等我諗爆頭着乜，佢哋都算係我半個形象顧問。（收過貴重禮物？）盡可能都叫佢哋唔好送貴嘢！寧願叫佢哋捐畀慈善機構仲好。」
戴上至愛手鏈的關楚耀展示Fans送贈的禮物。
