DaDa化身牛仔．勁射！G.E.M.槍擊喪屍．打爆！

圈中藝人都熱捧iPhone，更會玩盡有趣Apps，「百果園咪神」陳靜（DaDa）和樂壇小巨肺鄧紫棋（G.E.M.）都推介不同的熱玩App遊戲。西部牛仔射擊遊戲「High Noon」是DaDa的至愛，她坦言喜歡有挑戰性的遊戲︰「隻射擊Game真實度高又免費，要拎住個電話郁嚟郁去，平時鍾意同啲朋友上Facebook連線一齊打，試過百發百中，真係幾好玩，唔使做嘢時候玩可以解悶。」

至於G.E.M.則愛打喪屍Game，推介種植物攻擊喪屍的「Plants Vs Zombies」，要付2.99美元（約23港元）下載，她說︰「我鍾意拎部iPhone嚟打機，呢隻Game要種植物打喪屍保衞土地，種嘅植物愈多愈容易過關，我玩咗幾日就爆機，後來發覺有電腦版，都有Keep住玩。」

Night Noon攻略

DaDa推介這隻免費遊戲，指要選擇同等級對手開戰，增加勝出率，亦要不斷升級裝備，手要保持穩定，切勿亂開槍。

Plants Vs Zombies攻略

G.E.M.指在戰鬥中不斷收集太陽（擊敗喪屍後得到)，用來購買不同種類的植物迎戰，她指要視乎喪屍數量來加強防衞線。