黃日華拉隊飯局自娛

黃日華炮轟無綫對《刑警》「大細超」後，無綫昨晚依然未有為劇集結局宣傳，前晚一班演員只好自行飯敍！

前晚一班《刑警》演員飯敍兼收看劇集，出席的包括監製唐基明、苗僑偉（三哥）、黃日華夫婦、宣萱與外籍男友及胡定欣等。黃日華心情甚佳，全程笑笑口，問到無綫未有為《刑》劇結局宣傳？他說：「我同梁家樹（戲劇製作總監）傾過，佢解釋如果星期五播大結局，公司就唔會咁樣搞宣傳。（接受解釋？）接受！大公司係有制度。」他坦承無綫曾邀擔任頒獎禮嘉賓，但自覺身份尷尬，婉拒好意，問到會否再拍無綫劇？他說：「以前我一定話唔會，但今次同成班演員合作得好好，好玩又開心，心郁郁o架！（傾好晒有宣傳先拍？）咁呢啲好難講嘅，制度嚟嘅。」而三哥則說：「無綫唔搞咪我哋搞囉！（梁家樹有解釋？）我冇去了解，隨緣啦！」

宣萱預咗冇宣傳

對於男友大讚《刑》劇「Very Well」，宣萱說：「佢睇得好開心！（睇你同三哥親熱？）冇呀！嗰日啱啱出咗街！（無綫冇搞結局宣傳？）呢啲唔使答啦！等讀者判斷，都預咗！」另一方面，有網友將台慶頒獎禮的視頻做「手腳」，令圖中的楊怡看似夾埋徐子珊藐胡定欣，還在微博寫道：「人生如戲，TVB完全可拍一部現實版的宮心計。」昨日楊怡澄清彼此是工作夥伴和朋友，還得到胡定欣及好友黎諾懿力撐。