林保怡奪亞洲視帝無綫No Show
今年憑《讀心神探》角逐台慶頒獎禮「最佳男主角」鎩羽而歸的林保怡，憑年初播出的《掌上明珠》勇奪前晚在新加坡舉行的《第十五屆亞洲電視大獎》視帝殊榮；謝雪心則憑《宮心計》贏得「最佳女配角」，而當地演員林慧玲及林繼堂則憑本地英語劇《門徒》勇奪視后及「最佳男配角」。雖然保怡和心姐為港爭光，卻未獲無綫安排接機慶祝及宣傳，無綫外事部副總監曾醒明解釋：「公司打算下個月中先一次過頒獎畀獲國際性獎項嘅作品。時間匆忙先冇接機！」
昨日返港的保怡表示，稍後再與《掌》劇演員慶祝，問到曾傳不和的宣萱與商天娥會否出席，他笑說：「都唔知約唔約得齊人，咪叫番佢兩個囉！」04年已憑《金枝慾孽》初登視帝的他，坦言今次獎項更具認受性：「上機嗰陣緊張到連身份證都唔記得帶！（點處理個獎？）整個盒Set起佢！」