Baby甜爆：我都好幸福！
身穿Lanvin for H&M連身裙的Angelababy，昨日以設計師身份出席《b + ab X Angelababy卡通肖像聖誕卡慈善禮盒發布會》，她表示因拍戲而整個月都不在港，聖誕節亦要在工作中度過，問到緋聞男友黃曉明沒有她陪伴會否很孤單，她說：「佢都要拍戲。」顯然對其「海綿蛋糕」的行蹤瞭如指掌！
Baby早前為黃曉明舉行校服生日派對，問到是否意味戀情浮面，她說：「我成日都同朋友開Party。（蔡卓妍同陳偉霆都公開啦！）佢哋好幸福。（你都可以o架！）我一直都好幸福！（唔想公開，怕影響到海綿蛋糕？）我冇諗咁多，想專注工作。（結婚先公開？）我冇諗咁長遠。（怕唔怕畀人話你大話精？）吓！我都冇講大話！」記者再追問她是否承認戀情，她只是甜笑，沒有回答。
Baby與黃曉明將於工作中過聖誕，未知會否臨時給對方驚喜？
與黃曉明開P斷正的Baby，吸引大批記者追訪。
Fans帶備Baby的公仔肖像撐場，十分齊心。