黃翠如浪遊東歐唔介意獻醜

黃翠如浪遊東歐唔介意獻醜

黃翠如闊別有線9個月後,重回娘家即可完成流浪夢,她坦言將會全程零化妝以真面目示人,可惜仍未找到工作人員隨行!

黃翠如向來深受有線重用,年初暫別公司,經過9個月小休後,最近鐵定回巢:「我一直都有同公司傾,佢哋對我好好,畀到好多創作自由我,再返嚟個感覺都係咁溫暖!(公司有冇改變?)大家都冇乜變,感覺好親切!」

翠如坦言今次重返有線,將會兼顧台前及幕後,首個節目將是其最愛的旅遊節目,而且有別於一般的吃喝玩樂,會加入不少年輕人元素:「今次嘅主題係去流浪,呢個係我一直嘅願望,上次離開有線都有諗過去印度流浪,想去行喜馬拉雅山,依家公司肯畀我用公司嘅資金咁做,真係好難得!」

聖誕前出發

備受公司重用,問到有否加人工?翠如尷尬地承認加了一點:「我冇特別着重人工,其實做到想做嘅事已經好好!」她表示聖誕前會正式出發去東歐,令她緊張又興奮:「依家傾緊呀!我諗住全程唔化妝o架!唔介意將最醜一面攞出嚟,冇乜所謂啦!都冇人流浪日日化妝!不過,依家最大問題係冇工作人員願意咁樣去捱苦囉!」

影視組

黃翠如回歸娘家,即可以拍旅遊節目,自然心花怒放!

黃翠如歎個溫泉,當堂醒晒!

黃翠如曾走訪不同國家,北海道花田美景令她最難忘。