李蔓瑩拒效法師姐Carol行性感
新進Model李蔓瑩（Renee）與師姐「浸大咪神」楊梓瑤（Carol）均就讀於浸會大學，兩人入行前已相識，Renee更是間接因Carol而入行！她說：「因為經理人當時睇到我哋嘅合照，於是邀請我Casting，咁就入咗行喇！」對於Carol主力Sell性感，問到會否倣效？自言走青春可愛路線的Renee即耍手擰頭：「唔得呀！佢身材咁好！我對自己身材冇信心！」
早前Renee到商場化身聖誕女郎，與卡通片《多啦A夢》的角色公仔齊齊預祝聖誕，令她大為雀躍：「我細細個已經好鍾意呢套卡通，睇晒咁多套大電影，次次結局我都喊晒o架！」問到聖誕將如何度過，Renee表示平安夜仍要考試，故要乖乖溫書，考試後則想多接工作。
年僅二十歲的李蔓瑩與卡通人物打成一片，童心未泯。
李蔓瑩拒效法Carol行性感，希望以可愛Look殺出重圍。