Baby險累夏永康葬身海底

今期ontv《娛樂on Show》邀得為「香港女神」Angelababy暫別寫真《Paradise》操刀的著名攝影師夏永康（Wing Shya）訪問。他自爆險為Baby浸死海中，更大談影帝影后梁朝偉及張曼玉的性感論！

早前Angelababy遠赴關島拍攝暫別寫真《Paradise》，由著名攝影師夏永康操刀。今期ontv《娛樂on Show》主持俞詠文（Angela）問Wing Shya哪一輯相較滿意時，他即聯想到在水中拍攝的「谷胸美人魚」：「因為我哋喺水底冇辦法溝通，所以就要靠佢自己。可惜我身體點都唔係好沉，就叫助手一踩我落水底就影，點知佢就唔識放番我上嚟，差啲浸死咗！」

讚曼玉偉仔Sexy

不少評論指Baby在這本寫真散發着少許性感的女人味，對於圈中性感藝人，Wing Shya大讚張曼玉及梁朝偉是代表人選：「其實張曼玉可以演繹出幾百種性感，可能佢着旗袍已經好性感；而偉仔我就覺得佢唔一定係望住你嘅眼神性感，當佢專注做一樣嘢嘅時候，都係好性感！」訪問期間，留長髮、戴黑框眼鏡的Wing Shya不是想像般嚴肅，反而經常擺出多種表情及手勢配合，談笑風生，令在場的工作人員及主持不時捧腹大笑，想知道更多Wing Shya與巨星合作的難忘事及他的最近動向，就一定要留意《娛樂on Show》喇！