陳茵媺偷師學戲等發神經

陳茵媺（Aimee）去年成為「飛躍進步女藝員」，今年頒獎禮雖未有獎項落袋，但她未有停下步伐，反而默默向前輩偷師，更想扮演精神病患者或奸角，讓觀眾看到不一樣的陳茵媺。

陳茵媺從不將自己放在獎項壓力下工作，正如剛結束的台慶頒獎禮，她坦言是抱着參加大Show的心態參與，沒有爭獎壓力：「我視舊年個獎係觀眾、公司畀我嘅鼓勵同認同，只會更加畀心機向目標進發，我想愈做愈進步，試多啲唔同嘅角色，例如精神病人或者奸角。」

接連演出多部劇集，角色亦愈來愈有發揮，問Aimee是否想以「最佳女配角」甚至「最佳女主角」為目標？她哈哈大笑說：「有機會攞梗係開心，咁係代表再進一步，但我目標唔係攞獎，係演技上進步，我希望觀眾喺唔同嘅劇睇到唔同嘅陳茵媺，好想做到好似我偶像毛舜筠咁，做戲揮灑自如，似一個活生生嘅人。」

發音最緊要自然

從外國返港選美後便留港發展，Aimee不純正的廣東話雖有進步，但未完全改正，她說：「做戲最緊要自然，掛住練好啲對白反而冇咁自然，毛姐話我發音其實準確，唔需要成日諗住嘅，佢又教咗我好多，畀好多啟發我，係一個好老師。仲有司棋姐（李司棋），喺佢身上學到要做好細微嘅嘢，喺兩位前輩身上偷唔少師，哈哈……我唔止做小偷，直情係大賊，偷咗好多嘢！」