倪晨曦醜化自己嚇甄子丹
曾與黃宗澤傳緋聞的倪晨曦（Elva），最近有機會拍攝賀歲片《最強囍事》，首次拍戲便有機會與甄子丹和劉嘉玲等巨星合作，她坦言獲益良多：「甄子丹份人都幾Cool，但拍戲好認真。雖然佢真係好忙，有時見佢趕時間又好攰，但埋位上鏡就會變得好精神，打功夫打得好認真，非常專業。」
Elva表示在片中只飾演小角色，但仍感到興奮：「甄子丹飾演一個化妝師，佢會將化妝同功夫糅合埋一齊，而我就係一個誤以為自己化得好靚嘅女仔，但其實個妝又誇張又醜怪！」她笑言現實中絕對不會化醜自己：「我話晒都係Model出身，化妝師幫我化妝時都會偷學吓，基本技巧一定有，絕對唔會化到好濃、好肉酸！」
Elva有份參與賀歲片演出，雖然只是小角色，但已令她眼界大開。