鍾舒漫恨有代表作做DancingQueen

鍾舒漫憑《給自己的信》一曲彈出，更得大師姐容祖兒力撐，對未來更具信心。向來積極的她，有意再下一城，打造跳舞代表作，原來不少為夢想奮鬥的朋友，是她的最大動力！

鍾舒漫（Sherman）今年挾《給自己的信》的餘威頻頻出騷，但本是唱跳歌手的她，坦言想有快歌的代表作：「因為自己都係跳舞出身，真係好想有首快歌畀大家認識好動、有型嘅鍾舒漫！」回顧過去，Sherman坦言已相當幸運，只曾經因聲帶有問題而飽受困擾，幸好有妹妹鍾舒祺及好友Rachel的奮鬥例子作鼓勵：「因為有時難免會懷疑自己嘅能力，宗教就畀到我好好嘅支持同信心，當然仲有妹妹同朋友都幫咗我好多！」

好友創業助執靚形象

Sherman大讚妹妹獨自到台灣發展很厲害：「佢條路真係好難行，初初普通話又唔係好叻，正所謂人生路不熟，加上仲要日日比賽，當時我同佢都有互相打氣、支持！」

另一方面，Sherman對時裝的熱愛亦為她帶來新動力，好友Rachel早前開設個人時裝店，令她大為感動：「因為我好鍾意Mix & Match，Rachel呢度就提供好好嘅Styling服務，所以朋友介紹佢畀我識，後來我先知道佢為咗呢間舖付出咗好多，見到身邊咁多人為夢想咁努力，我都要好好加油！」