李卓庭捱過低潮見曙光
靠Rock歌起家的李卓庭（Eunix），出道時憑獨特唱腔深受歡迎，當年更勇奪叱咤女新人金獎，可惜早前遇上唱片公司內部問題，頓成「雙失」歌手！Eunix承認去年過得非常辛苦：「有晒心理準備畀人淘汰，過番OL生活！有叫過自己不如走啦！都睇唔到前路，坐足成年唔係辦法！（過去一年冇收入點過？）問屋企人借……有時會諗，咁大個女唔畀錢屋企，仲要反問佢哋攞，真係要多謝媽咪，佢仲成日問我夠唔夠錢使！」她表示獲家人及公司鼓勵，最後才打消放棄念頭。
身為基督徒的Eunix透露，在信仰中找回信心：「有好多兄弟姊妹可以分享，唔會寂寞！」已有年多沒有推出專輯的她更報喜：「新碟好快面世！做呢隻碟可謂一波三折，每次錄音都病！」
李卓庭唱腔獨特，為樂壇帶來不一樣的聲音。
李卓庭想過放棄，幸好最後堅持下去。