何韻詩「冇性別之分」愛得坦白
何韻詩在圈中打滾十年，可謂相識滿天下，性格剛強的她不時被傳與圈中女性過從甚密，惹起斷背疑雲，阿詩直言愛要坦白及忠於自己。
何韻詩將於聖誕節舉行三場音樂會，門票公開發售火速售罄，要加開本月25日日場應急，事業如日方中之際，卻不時被「斷背」傳聞纏身，更被暗示為「同性戀者」，阿詩坦言不會理會外界眼光：「依家咩年代？講真，邊個可以咁肯定下一個伴侶係邊個？愛係冇性別界定同唔能夠捉摸。」她強調真愛是要坦白：「愛係呃唔到自己，最緊要忠於自己感覺。」
不介意領養子女
阿詩坦言容祖兒是她在圈中最要好的朋友，大家會分享喜與悲，曾經亦試過傾到喊，她說：「始終我哋職業好大壓力，搵朋友發洩吓好正常，好難得大家認識十幾年。」阿詩入行至今只與劉浩龍傳過緋聞：「佢依家好似我屋企人一樣，佢同我父母關係好好，雖然唔係成日見，不過好多嘢大家都在心中。」
問到曾否想過生兒育女？阿詩表示現階段是「搏命期」：「唔通大住個肚做嘢？順其自然啦！生唔到咪領養囉！」她透露父母非常開通，不介意她領養：「親唔親生唔緊要，主要係為一個小朋友建立開心人生。」
阿詩強調真愛要坦白及忠於自己的感覺。
阿詩表示父母非常開通，不介意她領養小朋友。
阿詩將於聖誕節開騷，門票火速售罄，要加開一場。
阿詩（右起）坦言，劉浩龍及容祖兒都是她圈中最好的朋友。（資料圖片）