登芹半桶水學做Band友
曾是香港滑浪風帆代表隊的登芹，在台灣打滾五、六年後，近日回歸香港四出試戲，有機會於新片扮搖滾樂手，他自爆曾試作曲，但公司聽後冇下文。
最先認識登芹（Duncan，前名登勤），是透過看電視的滑浪風帆比賽，他曾奪亞洲重量級滑浪風帆男子組第一名。參演台灣電影《十七歲的天空》後，他的名字多了一個意義—演員，在片中扮演男同性戀者的他，電影上映後即時吸納一批男性Fans：「決定接呢套戲前都諗咗好耐，其中一場親熱戲更加係即興拍嘅！但拍完之後，覺得之前嘅犧牲係值得嘅！」
離不開滑浪風帆
熱衷演戲的Duncan，亦曾參演《七劍》，現在則不停試戲，有機會接演一部內地電影扮搖滾Band友，他笑說：「有玩開Keyboard，亦作過曲，不過公司啲人聽完都不了了之！」
Duncan自小在長洲長大，不喜歡都市的煩囂，間中亦會探望同住長洲的表姐「風之后」李麗珊，而玩滑浪風帆更是他的指定動作：「我一年四季都會玩滑浪風帆，屋企有三、四隻滑浪風帆！」
Duncan回港後不停試戲，希望多接拍不同類型的電影！
習慣生活在海邊的Duncan，與表姐「風之后」李麗珊同樣是滑浪風帆好手。