曾國祥新片碌爆人情卡
尹志文與曾國祥合作的新片《戀人絮語》快將上映，戲中邀得林嘉欣、陳奕迅及謝安琪等好友助陣，二人坦言已碌爆人情卡，更透支收場！曾國祥說：「好感謝大家抽空相助，令我哋完成部戲！（酬勞好貴？）全部都係收友情價，真係好感激！（父親曾志偉都收酬勞？）親情價囉！其實佢喺片場唔瞓、唔賭馬已經好好！」
曾國祥坦言與父親早有協議，不會叫他出手，因不想外界感到他靠父蔭：「佢（志偉）仲經常打擊我拍戲嘅信心！有次我客串佢部戲，現場有人即時剪片，佢同我講：『呢啲咪叫大片囉！唔同你拍啲細片！』（林嘉欣懷孕，未能配合宣傳？）唔緊要，係佢人生大事！」
曾國祥（左）與尹志文合作新片，擦出不少火花！