娜姐床戰謙仔享受安全感

周秀娜（娜姐）身材出眾，新片卻不敵擁有43吋上圍的羅仲謙！一場床上戲後，她更坦言希望被對方攬着，將她整個人Cover，渴望那份安全感！

娜姐身材惹火眾所周知，不過在新片《婚前試愛》中遇上「強敵」！能與擁有43吋上圍的謙仔合作，娜姐坦言被對方的身材深深吸引，一場床上戲更令她印象難忘，深深被融化！她說：「拍嗰陣天氣好熱，大家成身汗揩嚟揩去！其實拍完都想佢攬住我、保護我、Cover晒我成個人！佢身材好好又靚仔，好有安全感！」

冇時間偷食

他倆在片中飾演一對將結婚的情侶，但婚前卻各自出軌找另一半，問到現實中有否出軌經驗？娜姐斷言否認：「我冇！我初戀時受過好大嘅傷害，所以我唔會做傷害另一半嘅事！（入行後受過誘惑？）可能大家都知我有固定男友，所以冇咩誘惑出現，同埋工作好忙，根本冇時間偷食！」

至於謙仔拍攝床上戲時，亦很顧及娜姐感受：「拍攝過程中，佢貼滿膠紙防走光，我做動作戲時要好小心，避免令對手走光！佢哋毋須露點，相反我就露咗兩點囉！薪酬應該要比佢哋多！（你上圍最大喎？）吋數可能係我大啲，不過Cup數唔夠佢哋！」他坦言拍攝前已跟娜姐溝通，避免引起誤會。