鄧紫棋接筍Job唱K擦鵝肝
日前鄧紫棋（G.E.M.）到元朗大型連鎖卡拉OK，在K房大唱新歌《Get Over You》，原來她是有工作在身：「嚟拍宣傳片，不過工作人員對我好好，畀我趁空檔放鬆下，頭先唱完歌，佢哋仲話要Encore添！」工作人員還特別為她布置走廊，G.E.M.說：「頭先見到成條走廊都係我嘅海報，好開心，忍唔住即刻影相！」
玩樂過「叉」足電的G.E.M.，在鏡頭前表情多多，廣告商特別為她準備豐富美食，近日清減不少的她亦忍不住大快朵頤：「啲鵝肝真係好好食，搞到我忍唔住食晒成份呀！」
有得唱K有得食，G.E.M.呢份工真好做！