Theresa有毛有翼變烏鴉
傅穎（Theresa）近日推出全新專輯《Metamorphosis》打響加盟星皓頭炮，為配合唱片黑、白兩色不同版本，戴上短假髮的她化身做「天使白鴿」及「惡魔烏鴉」，造型充滿野性：「隻碟寓意羽翼豐滿，經過歲月嘅試練，在成長下振翅高飛。」
對於新造型，Theresa非常滿意：「個個人身邊都有天使同惡魔，心情好係天使、心情差就係魔鬼，我會同惡魔抗衡，絕對唔畀自己做錯事。」能夠擺脫日本少女Look，Theresa說：「睇相都幾乎認唔到自己，想畀人知可以走型格。」聖誕將至，她還表示新碟會附送她親自畫的年曆、B Duck鴨仔及海報。
Theresa於新碟造型化身不同禽鳥，黑白造型各具特色。
