薛凱琪學整甜品烏龍百出
薛凱琪拜「甜品女王」谷祖琳為師學整甜品，但卻烏龍百出，由買料到試食均鬧出笑話，最後惟有以自嘲有創意解圍。
薛凱琪（Fiona）挑戰自我玩轉各行各業，早前她為有線拍攝特輯《薛凱琪唔做薛凱琪》，嘗試耕田、裁縫和酒店清潔，更一度拜「甜品女王」谷祖琳（小谷）為師學整甜品，小谷拿起Finoa晨早起床買回來的生果說：「啲巨峰提子買錯、榴槤買貴、哈密瓜唔靚，唯一係雞蛋冇問題咋喎！」嚇到Fiona伸晒脷自嘲有創意。小谷隨即拿出甜品示範，Fiona毫不客氣大口大口試食，嚇到小谷說：「入面係假o架！廁紙嚟咋！」Fiona即尷尬地笑說：「唔怪得沙沙聲！」
難忘酒店洗廁所
Fiona坦言做此節目很好玩，兼令她大開眼界，談到最難忘的職業，她首選髮型師，然後是酒店清潔，Fiona說：「今次係我第一次幫人洗頭，不過就洗得好慢，人哋師傅洗15分鐘搞掂，我就洗足45分鐘，但好好玩，可以發揮創意，但都有壓力，話晒都係人唔係死物，我諗畀我剪嗰個都好驚！」至於酒店清潔，她坦言有落手落腳洗廁所，不過由於酒店要求高，令她真正感覺到行行都有艱難的地方。
薛凱琪開榴槤的手勢看來有板有眼。
谷祖琳（中）向陸浩明大彈薛凱琪所買的生果不夠靚。
薛凱琪（左）學整甜品，自嘲有烏龍的創意。
薛凱琪（右）和谷祖琳一同觀看所拍的照片。
陸浩明對薛凱琪（中）經手的甜品信心不大。