楊愛瑾大開食戒擦火雞

鄭融、楊愛瑾、董敏莉和連詩雅日前聚餐Girls' Talk，提早慶祝聖誕節，她們甫見原隻火雞及朱古力蛋糕，即「餓女」上身。

鄭融、楊愛瑾（Miki）、董敏莉（Monie）日前偕同小師妹連詩雅（Shiga），前往酒店狂食聖誕大餐，雖是同門師姐妹，但難得一起聚餐，除玩微博外，還Girls' Talk說個不停。四人雖然身材苗條，但食量驚人，最難得是食極都唔肥。她們看見原隻火雞、牛柳、紅莓蘋果撻、聖誕蛋糕及紅酒時，即時「餓女」上身，急不及待擸齊「架生」開大餐﹗

鄭融過節冇男友陪

鄭融早前放假半年，近日再投入工作，談及難忘的聖誕節，她說：「讀小學一年級嗰陣，同屋企人去韓國，嗰次係第一次滑雪，只係覺得好凍，凍到雙手腫晒！（男友陪過聖誕？）細個冇男友一齊過聖誕，會覺得欠缺啲嘢！但大個咗先發現男朋友同節日係冇掛鈎。」

被指與永安太子爺郭永淳密會撐枱腳的Miki希望有情人陪伴度聖誕，她說：「除咗情人外，亦想同大班朋友慶祝，仲可以交換禮物，禮物唔需要好重手，最緊要心意搭夠。（愛食聖誕大餐？）勁鍾意，今次隻火雞好正，好好味。」入行後首度過聖誕的Shiga希望首張EP及樂壇頒獎禮也有佳績；至於Monie則表示有男友相伴，浪漫溫馨度聖誕。