徐濠縈冧爆Eason自製浪漫

徐濠縈與陳奕迅雖曾被指婚姻出現問題，但其實向來很恩愛，前晚她出席派對時大讚老公浪漫，不時為她製造驚喜，令她甜到漏！

楊千嬅、黃偉文、徐濠縈及麥浚龍等前晚出席香港醫學博物館舉行的《JOYCE 40周年派對兼回顧展覽酒會》，阿徐表示聖誕節將與好友黃偉文陪愛女去日本旅行：「唔會亂購物，日本去過好多次！」在旁的黃偉文則插嘴兼玩踢爆，笑言或會收到陳奕迅（Eason）密令氹阿徐：「每逢聖誕節、新年，甚至生日，佢陪唔到老婆就會搵身邊朋友送禮物，神秘咁送畀佢！」而阿徐亦甜笑地說：「呃我好難，我咁眉精眼企，好難製造驚喜，不過咁多年佢都成功氹到我哋！（老公好浪漫？）可以咁講，佢可能今次想搵包包（指女兒），但佢守唔到秘密！」

千嬅為婚禮刻意減肥

另外，身穿Givenchy裙配Alexander McQueen高踭鞋的千嬅明顯消瘦，她承認刻意減肥：「之前去巴黎第一次着嗰件婚紗就拉唔到拉鏈，見到啲姊妹團個個咁瘦，我就肥！」對於有指她為換獎而把婚禮轉播權賣給TVB？她說：「冇聽過婚禮可以賣畀TVB。（萬梓良結婚咪係囉？）知我性格嘅人知我唔會咁做！（TVB同你傾過？）冇！」

重申已派帖請黎明飲

她重申已派喜帖給黎明，並自爆因婚期將近而緊張：「畀身邊人同老公搞到我好緊張！」問到是否心態已不恨攞獎？她說：「冇成交唔代表物業價格跌，正如攞唔到獎唔代表失敗，有獎攞都開心！」

此外，徐濠縈與王菲造型師好友TiTi Kwan在微博中咀嘴，TiTi笑說：「兩雙魚＝接吻魚sss！」而阿徐即說：「是你最Man的時候！」阿徐在電話訪問中說：「同TiTi係好姊妹，喺Party度玩啫，Eason都睇過啲相，唔擔心誤會！」