老婆再有喜 曹永廉為奶粉錢頭赤
電視圈喜事一籮籮，除了郭晉安宣布老婆有喜外，好友曹永廉亦將再度榮升老竇，他坦承太太姜依蘭「意外」懷孕兩個多月：「個個聽到消息都好開心，係我頭赤啲！因為又要努力搵錢買奶粉喇！加上我哋啱啱搬咗屋，所以要睇吓有乜辦法搵多啲！」對於安仔報喜，他坦言曾聽聞對方想追多個：「依家有好多伴，好似蔡少芬、安仔同黃浩然，之後我同浩然開劇又多個話題！」
至於早前在頒獎禮公布喜訊的黃浩然，對太太是否懷孕三個月不置可否，只說：「都係嗰啲啦！預產期相信要過咗農曆年，心情好緊張！之後我要開新劇，所以依家要同老婆準備買床仔同奶樽咁！」
剛成功「飛躍」的黃浩然，將榮升爹哋。（資料圖片）