Kary開騷前夕突然分手

明年1月底假紅館開處女騷的吳雨霏，昨日以性感造型出席記者會，更激爆與圈外男友「網球王子」洪立熙的4年情「突然死亡

吳雨霏（Kary）與圈外男友洪立熙（Brian）感情一向穩定，每次提到男友都一臉甜蜜，不過，昨日她為紅館個唱舉行記者會，以Givenchy透視Look晒Bra-top示人，本應人逢喜事精神爽，但司儀森美問到可會請緋聞男友來捧場時，她竟一臉尷尬地自爆分手：「冇啦！冇啦！我依家單身！」令人意外！

問到與Brian分手始末，Kary不肯多作解釋，只強調是和平分手：「依家係自己一個，唔想講太多，不過關係良好嘅！」至於分手理由，她表示想專注工作。問到是否為個唱宣傳，個唱後又宣布復合？她無奈地說：「唔係啦！我唔係講呢啲嘢嘅人，平時都唔會點講佢！（好哋哋分手？）我真係想專心工作，唔好逼得我太緊啦！」

再見亦是朋友

Kary強調分手不涉第三者，只稱男友是圈外人，拍拖真的不容易。問到可會邀請對方睇騷？她大方地說：「會，大家係好朋友……講真，將來嘅嘢冇人知！」並即拉開話題，表示會請前Cookies成員睇騷，至於會否安排鄧麗欣與宿敵傅穎同坐？她說：「我覺得佢哋一齊坐冇問題，係你哋諗得太多喇！」

提到以一身透視裝亮相，Kary表示造型師事前只叫她戴個黑Bra出席，到達現場才知是透視裝。記者見她清減不少，問到是否為情消瘦？她堅稱身形未有改變，更承認有B Cup上圍。