祖兒喪影潮袋觸發童心

Anteprima最近與Sanrio Co. Ltd.玩Crossover出手袋，令一眾童心未泯的圈中人樂透，當中容祖兒放下天后身份，不禁大叫：「好得意！」

最近推出的ANTEPRIMA X MY MELODY及ANTEPRIMA X KURUMI系列手袋，火速成為不少女星的心頭好！向來情傾Miffy公仔的祖兒，看到此袋時都不禁大叫：「好得意！」更急不及待於個唱結束後，背起My Melody袋，並拍下多張相！由於此系列手袋的收益將作慈善用途，雖然祖兒仍未決定將善款捐到哪一個機構，但她希望將收益捐給小朋友或被遺棄的動物：「希望藉住自己嘅力量，引起大眾關注！」

另一邊廂，懷有5個月身孕的黃婉君（Rosanne），看到可愛的袋子後，立即母性大發，為Melody戴上耳機聽音樂。同時，她亦不忘肚裏的BB，把耳機戴在肚皮上，讓BB與Melody一同欣賞音樂，十足胎教！相信這個My Melody袋，必定會成為Rosanne孩子的第一個玩伴！

周汶錡帶住逗利是

而名模周汶錡則表示從小便喜歡My Melody：「個袋好大隻、好得意，好似攬枕！下年又係兔年，好應節，可以拎去攞利是！」汪詩詩亦大讚手袋手工精細，得意又特別：「我估囡囡一定好鍾意，之前嘅Hello Kitty系列佢已經好鍾意，加上佢又鍾意粉紅色，如果有細個嘅話，一定會送畀囡囡！」