江若琳半空倒吊夾實張繼聰
張繼聰和江若琳（Elanne）昨日為《歡樂滿東華》的「絲絲入扣空中舞」項目綵排，Elanne透露他們要利用絲帶在半空做出危險動作：「因為冇用威吔，所以有啲危險，張繼聰就要用力夾實我，我哋啲腳要互夾，我將條命交咗畀佢。」阿聰即說：「你放心，我一定捉住你！」
排練一周後，Elanne練到手腳瘀黑及周身骨痛，又笑言因要倒吊，兩人都谷到面紅，屆時不用化妝，慳回不少化妝品。至於表演時穿甚麼服飾？她說：「未知，應該係緊身衫。（怕倒吊會甩褲？）嘻……我會打足底嘅。」
江若琳玩半空倒吊，場面觸目驚心。
張繼聰凌空表演高難度動作，靠江若琳捉實絲帶傍住。