亞男觸鬚GaGa向祖藍下戰書

李亞男與王祖藍公開戀情後，打扮比以往性感，昨日以Lady GaGa造型現身，更向男友的「Lady Tiger」造型下戰書，挑戰扮嘢能力！

昨日李亞男與日模松岡李那、Kate M.（馬瑙）、小水彩、崔建邦緋聞女友Marina V.、Jessica C.師妹Asha C.和韓模蔡恩真，以不同的Lady GaGa造型出席wtc more世貿中心的《Lady ++》活動。榮升「祖藍嫂」的亞男鮮有性感，七彩造型加上胸前吊上兩條巨型「觸鬚」，花盡心思，雖然設計沒有超低胸，但仍十分搶鏡！

為隆重其事，亞男一身裝扮花盡心思，機關重重，她表示造型花了近兩小時才完成，胸前兩條巨型「觸鬚」最有睇頭，不知是否擔心胸前的「觸鬚」倒下走光，她拍照時經常用雙手掩胸︰「我怕呀！擔心會走光，不過已經打好晒底。」期間她的黑絲襪又現出黑色打底褲，她表示已做足安全措施。

性感唔使批准

問到今次的造型有否給男友祖藍過目？亞男甜絲絲地笑說︰「佢未睇！一陣會Send相畀佢睇。」對於祖藍曾扮「Lady Tiger」，她笑言要向男友下戰書︰「唔怕比較，各有各創意，各有各靚，兩個造型都鍾意。」問到升呢「祖藍嫂」後行性感是否要問准男友？她說︰「咁又唔使，如果劇情或工作需要都OK。」此時，她乘機隔空傳情，大讚男友扮「Lady Tiger」正爆︰「佢扮Lady Tiger好靚女，啲手腳又長，佢唔好扮咁多，人哋會妒忌同羨慕！」未知祖藍聽後會否冧爆？

此外，李亞男勾起與男友的甜蜜經歷︰「之前為表演一齊練舞，跳Lady GaGa嘅舞步，發覺佢嘅舞打破傳統。」未知是否受到男友扮「Lady Tiger」的影響，她自言是Lady GaGa的超級粉絲，若對方在香港開騷必定買飛捧場。