Marina V.死心塌地維護崔建邦

模特兒Marina V.昨日出席活動，得知自己並非緋聞男友崔建邦（Amigo）的「杯中茶」時感到「Surprise」，但她仍極力維護對方！

模特兒Marina V.與Ana R.昨日出席Columbia活動，Marina回應崔建邦指她並非理想對象一事，她有點意外地說：「OK啦！但好Surprise。（你兩個關係點？）No comment，私人事唔想講，聖誕會喺香港過。」

Ana R.風水戒谷桃花

問到可知Amigo曾經打女朋友的往事？她說：「佢有同我講，但係我覺得唔係真嘅！（喺你面前扮嘢？）唔覺得，我見唔到佢任何唔好，可能我對佢認識唔夠多。」問到是否有聯絡？她說：「我哋有傾偈，大家現階段專注工作。（會唔會一齊過聖誕？）聖誕未決定做乜。」

此外，戴上紅色戒指、表現雀躍的Ana表示從馬來西亞返港，剛落機便趕到現場，又興奮地展示手上的紅戒，她說：「當地大會送咗隻風水戒指畀我，隻戒指上面有數字，可以帶來好運。（桃花運？）希望啦！都想下年有個新嘅開始，會帶畀我愛情運！」至於與舊愛David一起出席活動是否舊情復熾？她開心地說：「可能啦！我哋雖然分咗手，但仍然係好朋友，成日都會一齊食飯同睇戲。（係咪一齊過聖誕？）唔會，因為David要返家鄉，大家都好忙。」