樂易玲掟銀彈誘雯女簽約

視帝黎耀祥與視后鄧萃雯等《義海》演員出席高層慶功宴，雯女被追問會否簽約無綫時即以「九姑娘」大把錢作擋箭牌，但樂易玲力讚她屬天價，雯女表示會優先考慮簽無綫。

無綫副行政主席梁乃鵬昨晚在電視城設宴慰勞《巾幗梟雄之義海豪情》的台前幕後，陳志雲與樂易玲兩大高層亦有出席。其中，梁乃鵬對雯女尤其熱情，捉着她的手說個不停，還直豎拇指勁讚她，氹得出爐視后勁開心。

雯女賽前被指以約換獎，樂小姐被問到會否再跟她傾合約時說：「我用銀彈同誠意打動，但佢同經理人Helen合作得好好，Helen亦係我好友，除非佢退休交雯女畀我啦！」當雯女聞得公司用銀彈打動即笑說：「當然感動！我一向都只幫無綫拍戲，但唔想綁住，九姑娘大把錢！」樂小姐繼續落嘴頭：「天價都要呀！」雯女只好說：「唔好講錢啦！（優先簽無綫？）都係嘅。」

頒獎禮另一焦點是林峯壓倒陳豪奪「我最喜愛的電視男角色」而捱轟，樂小姐坦言藝人「唔鬧唔大」，但否認犧牲陳豪，向來欣賞陳豪的祥仔則說：「陳豪好好，佢台上講嘢同演技已經去到另一層次！林峯攞角色獎亦無可厚非，部劇收視好。」

法拉爆男友冇吻賀

同場的陳法拉被問到男友可有送禮獎勵？她笑說：「冇乜喎！只係發短訊畀我，我都唔需要特別嘅獎勵。（男友支持重要過物質？）係呀！（錫啖都有啩？）暫時未有。」她表示父母打算買首飾作獎勵。