拒愛高以翔 周汶錡向男友派定心丸
徐若瑄、周汶錡（Kathy）及陳嘉桓等昨晚出席晚宴，提到早前被拍得與台灣型男高以翔密會，Kathy顯得頗為抗拒，揚言與對方不常聯絡，似向外籍男友Julien大派定心丸。對於高以翔被封「粉紅乳頭男」，Kathy說：「你又知我男友唔係？（鍾意Pink？）哈哈！（男友身高唔及高以翔？）佢的確係高，質素都OK！（心動？）唔會！」對於曾傳緋聞的連勝文槍傷後終出院，Kathy冷淡地表示已送問候。
同場的徐若瑄抱病赴會，身穿由Dorian Ho設計的低胸晚裝亮相的她表示聖誕會與家人度過，不會陪緋聞男友馮德倫，問到多久沒有拍拖？她說：「想留一點私隱。（羨慕大S徐熙媛閃婚？）有衝動係幸福，但最重要是長久，我都曾經有衝動。（同舊愛吳奇隆？）唔好亂講！」同場的許志安得悉前女友公開講愛細眼，他即尷尬地說：「我眼係長，明艷照人。（拒愛？）係想自然啲。（平安夜約佢？）佢要唱聖詩！」
周汶錡澄清與高以翔只是朋友，但不忘大讚對方質素高！
徐若瑄抱病出席晚宴，依然艷光四射。
昨日氣溫驟降，劉美君與陳嘉桓仍以性感亮相！
陳嘉桓