伊健自由身即搵無綫谷歌
鄭伊健昨日為明年3月5及6日兩場演唱會舉行記者會，內部認購已爆滿，他坦言恨加場，並會努力練「岩石胸」Show給Fans睇。與Sony約滿的他不排除自資出碟，並會於開騷前推出新歌，又笑言現時自由身可以亮相無綫宣傳，比較方便：「希望四大唱片公司同無綫盡快修好，可以再同佢哋合作。」
經理人林珊珊指記者會布置似婚宴是想成人之美，但伊健反指似春茗，並拒絕於個唱上玩求婚問會唔會演唱會中向女友蒙嘉慧求婚：「唔會喇！人哋做咗我唔會做。（咁幾時結婚？）出年先諗，我唔會快，唔會慢。」對於個唱以「入魔」做主題，他笑說：「蒙嘉慧都唔明，但唔明先會發掘，咁先有情趣！」又表示希望拍《風雲3》。
伊健拒於個唱上向女友蒙嘉慧求婚。