鍾楚紅冇人邀飯局：係咪好瘀？
女星飯局價時有聽聞，不過身為性感Icon的鍾楚紅竟從未被問價，昨晚她出席活動時被問到女星出席富豪飯局一事，她說：「從來冇試過，係咪好瘀呀？好彩自己唔係好應酬嘅人，應酬唔係我性格，我覺得唔單止呢行，係成個風氣改變咗，娛樂圈畀人感覺開放啲啫！其實邊行都有呢啲事。」她奉勸女性要潔身自愛，才會得到別人尊重。
同場的溫碧霞卻坦言一直以來都收到很多邀請出席飯局的電話，但遭她一一拒絕：「曾有人試過不停打畀我話鍾意我，講到會出價幾千萬，好嬲、好侮辱女性。」而楊采妮亦表示清楚知道自己的方向，故拒絕出席飯局。
鍾楚紅認為女性要潔身自愛，不要接受不道德交易。
溫碧霞承認曾多次被邀出席飯局。
身穿露背裙的楊采妮明艷照人。